Atyraýda birqatar kósheler jabyldy
ATYRAÝ. QazAqparat - Atyraýda birqatar kóshede kólik qozǵalysy úsh aptaǵa deıin toqtatyldy, dep habarlaıdy QazAqparat tilshisi.
Qalalyq ákimdiktiń habarlaýynsha, 21 sáýirden 14 mamyrǵa deıingi aralyqta Baımuhanov kóshesiniń avtokólik jolyna qaıta jańǵyrtý jumystary júrgizilýine baılanysty kólik qozǵalysyna shekteý qoıylady. 21 sáýirden bastap 14 mamyr tańǵy saǵat 08:00-ge deıingi merzimde Mechnıkov - Baımuhanov avtokólik kópirinen bastap, Baımuhanov - B.Amanshın kósheleriniń qıylysyna deıingi aralyqta joldar jabylady.
Sol sebepti, №2 «Balyqshy kenti - Temir jol vokzaly», №14 «Avangard yqsham aýdany - Temir jol vokzaly», №15«Saryqamys yqsham aýdany - Munaıshy yqsham aýdany», №21 «SMP-163 aýdany - Eski áýejaı» aralyqtaryna qatynaıtyn qalalyq qoǵamdyq kólikter A.Grıboedov kóshesi arqyly júredi.
Abaı AQMURZIEV
