Atyraýda birqatar azamat «Halyq alǵysy» medalimen marapattaldy
ATYRAÝ. QazAqparat – Atyraýda bir top azamat «Halyq alǵysy» medalimen marapattaldy, dep habarlaıdy QazAqparat.
Qazaqstan Respýblıkasynyń Prezıdenti Qasym-Jomart Toqaevtyń Jarlyǵymen «Halyq alǵysy» medaline pandemııamen kúreske eleýli úles qosqan 181 atyraýlyq ıe boldy. Marapatty Atyraý oblysynyń ákimi Mahambet Dosmuhambetov tapsyrdy.
Ákimniń aıtýynsha, koronavırýs ınfektsııasy álem jurtshylyǵy úshin aýyr synaq boldy. Onymen kúreste ásirese, dárigerler, eriktiler, sondaı-aq quqyq qorǵaý organdarynyń qyzmetkerleri aıryqsha úles qosty.
«Syn sátte aıanbaı eńbek etken medıtsına qyzmetkerleri men eriktilerdiń eńbegin aıyryqsha baǵalaımyz. El aýmaǵynda tótenshe jaǵdaı engizilgen sátten bastap ishki ister departamentiniń qyzmetkerlerine erekshe jaýapkershilik júkteldi. Azamattardyń qaýipsizdigin qorǵap, qoǵamdyq tártipti baqylap, indettiń jolyn kesýge úles qostyńyzdar. Barlyǵyńyzǵa atyraýlyqtardyń atynan arnaıy alǵysymdy bildiremin», - dedi Mahambet Dosmuhambetov.
