Atyraýda bir jastaǵy 2 bala koronavırýs juqtyrdy
ATYRAÝ. QazAqparat – Atyraý oblysynda bir jasar 2 bala koronavırýs juqtyrdy, dep habarlaıdy QazAqparat.
Óńirlik kommýnıkatsııalar qyzmetiniń málimetinshe, Atyraýda bir táýlikte 17 adamnan qaýipti indettiń belgisi anyqtalǵan.
«Іndet juqtyrǵandardyń ekeýi — Teńiz kenishindegi merdiger mekemelerdiń jumysshysy. Al, 14 adam – Atyraý qalasynyń turǵyny. Olardyń arasynda bir jastaǵy 2 bala bar. Taǵy bir jaǵdaı Jylyoı aýdanynda anyqtaldy. Naýqastardyń bári ınfektsııalyq aýrýhanaǵa jatqyzylyp, hattamaǵa sáıkes em qabyldaýda», - dep habarlady óńirlik kommýnıkatsııalar qyzmeti.
Qazir Atyraý oblysynda koronavırýs ınfektsııasyn juqtyrǵandar sany 1379 adamǵa jetti. Jazylyp shyqqandar – 1015 adam.
Eske sala ketelik, Atyraýda karantındik shekteý qaıta kúsheıtildi.
