Atyraýda bir jasar balanyń mıyna kúrdeli ota sátti jasaldy
Oblystyq balalar aýrýhanasynyń baspasóz qyzmetinen málim etkendeı, mundaı kúrdeli otany jergilikti neırohırýrg jasaǵan.
«Bir jasar balanyń merziminen eki aı buryn dúnıege kelgen. Ol oblystyq perınataldyq ortalyqtyń jansaqtaý bóliminde dárigerler baqylaýynda bolǵan. Biraq, balanyń jaǵdaıy jaqsarmady. Sodan keıin dárigerler balalar aýrýhanasynyń neırohırýrgi Shoder Arıpovke júgingen», -dep habarlady aýrýhananyń baspasóz qyzmeti.
Dárigerler balaǵa mıdaǵy qan ketý dıagnozyn qoıǵan. Bul dıagnoz ýltradybystyq zertteý qorytyndysymen rastalǵan. Birneshe ret ota jasalyp, balanyń jaǵdaıy jaqsara bastaǵan. Alaıda, balanyń mıynda alty isik ósip, almanyń kólemindeı deńgeıge jetken.
«Mundaı jaǵdaı elimizdiń ózge qalalarynda kezdesti. Sol sebepten, biz Atyraýǵa balalar neırohırýrgy Danııar Sabdınalıevti sheberlik sabaǵyn ótkizýge shaqyrdyq. Birneshe saǵatqa sozylatyn ota kezinde balanyń mıyndaǵy bul patologııany alyp tastadyq. Qazir naýqastyń jaǵdaıy qanaǵattanarlyq deýge bolady. Osyndaı biregeı otany bizdiń aýrýhanada jasalady», -deıdi neırohırýrg Shoder Arıpov.
Neırohırýg Shoder Arıpov oblystyq densaýlyq saqtaý basqarmasynyń shaqyrýymen 2018 jyly Taraz qalasynan Atyraýǵa kóship kelgen. I.Ahýnbaev atyndaǵy Qyrǵyz memlekettik medıtsına akademııasynyń túlegi travmatologııada tájirıbe jınaqtaǵan. Alaıda, ony neırohırýrgııa qyzyqtyrǵan. Budan buryn Qaraǵandy, Taraz qalalarynda jumys istegen.
Eske sala ketelik, budan buryn Atyraýda týa bitken patologııasy bar balaǵa kúrdeli ota jasalǵanyn jazǵan edik.