Atyraýda bir túnde 4 sheteldik tótenshe jaǵdaı rejımin buzǵan
ATYRAÝ. QazAqparat –Atyraýda tótenshe jaǵdaı rejımin buzyp, túnde maqsatsyz júrgender arasynda sheteldik azamattar da bar, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetinshe, Atyraýda tótenshe jaǵdaı rejımi engizilgennen beri 269 adam ákimshilik jaýapkershilikke tartylǵan. Onyń ishinde 10 adam tótenshe jaǵdaı kezinde quqyq tártibin buzýǵa ıtermeleıtin is-áreketter jasaǵan. Al, 211 adam tótenshe jaǵdaı rejımin buzǵan. Sot qaýlysymen 88 adamǵa qatysty ákimshilik aıyppul salynyp, 89 azamat qamaýǵa alyndy.
«Atyraý qalasynda 10 sáýirge qaraǵan túni kóshede júrgeni úshin 48 adam ákimshilik jaýapkershilikke tartyldy. Olardyń tórteýi –shetel azamaty. Sonyń biri Atyraýda ýaqytsha turatyn Túrkııa azamaty saǵat 23:30-da medıtsınalyq maskasyz júrgen. Saǵat 00:20-da Túrkııanyń taǵy bir azamatynyń kóshede sebepsiz júrgeni anyqtaldy. Karantın rejımin buzǵandardyń arasynda Ózbekstan Respýblıkasynyń eki azamaty da bar. Quqyq buzǵandarǵa qatysty QR Ákimshilik quqyqbuzýshylyq týraly kodekstiń 476-babynyń 6-bóligimen toltyrylǵan hattama materıaldary sotqa joldandy», -dep habarlady Polıtsııa departamentiniń baspasóz qyzmetinen.
Sondaı-aq, tótenshe jaǵdaı talaptaryn buzý faktilerimen 40-tan astam sýbekt jaýapkershilikke tartylǵan. Olardyń arasynda 6 kafe, 10 azyq-túlik emes dúken, 9 ashana, 3 býkmekerlik keńse, 1 fotosalon, 2 kompıýter klýby, 1 shashtaraz, 1 saýna, 2 kólik jýý orny bar.
