Atyraýda bir top brakonerden 11 keli qara ýyldyryq tárkilendi

ATYRAÝ. QazAqparat – Zańsyz bekire balyǵyn aýlaǵan bir top atyraýlyqtyń brakonerlik áreketin tergilýde, dep habarlaıdy QazAqparat QR UQK baspasóz qyzmetine silteme jasap.

«UQK-niń Atyraý oblysy boıynsha departamenti 2019 jyly qarasha aıynda bekireny satý maqsatynda aýlaý jáne ýyldyryq alý boıynsha brakonerlik áreketti uıymdastyrǵan bir top atyraýlyqtyń quqyqqa qarsy áreketiniń jolyn kesti», delingen habarlamada.

Ustalǵandardyń qylmystyq áreketiniń nátıjesinde memleketke 64 mıllıon teńgeden astam somaǵa zalal keltirilgen. Zańsyz aınalymnan 139 keli bekire tuqymdas balyq pen 11 keli qara ýyldyryq alynǵan.

UQK Atyraý oblysy boıynsha departamenti Qazaqstan Respýblıkasy Qylmystyq kodeksiniń 335-baby 3-bóligi 1, 4-tarmaǵy («Balyq resýrstaryn, basqa da sý janýarlary men ósimdikterin zańsyz alý») 339-baby 2-b. 2-t. («Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý») boıynsha sotqa deıingi tergeýdi jalǵastyrýda.