Atyraýda bir táýlikte 93 adamnan koronavırýs anyqtaldy
ATYRAÝ. QazAqparat – Atyraý oblysynda bir táýlikte koronavırýs ınfektsııasyna shaldyqqandar sany 93 adamǵa kóbeıdi, dep habarlaıdy QazAqparat.
Oblystyq sanıtarııalyq-epıdemıologııalyq baqylaý departamenti baspasóz qyzmetiniń málimetinshe, Atyraý qalasynda qaýipti vırýs juqtyrǵan 40 adam tirkelgen. Al, Teńiz kenishinde 41 jumysshydan, Mahambet aýdanynda – 5, Jylyoıda – 2, Qyzylqoǵada – 2, Isataıda – 2, Inder aýdanynda 1 adamnan koronavırýs ınfektsııasy anyqtalǵan.
Onyń ishinde 35 naýqasta Covid-19-dyń sımptomdy túri baıqalǵan.
«Sońǵy málimetke sáıkes, ótken táýlikte koronavırýs ınfektsııasynan 92 adam emdelip shyqty. Qazir 170 adam úı jaǵdaıynda emdelýde. Oblystyq ınfektsııalyq statsıonarda 8, modýldik statsıonarda 123, al aýdandardaǵy ınfektsııalyq statsıonarlarda 24 adam patsıent oqshaýlanǵan. Teńiz kenishindegi ınfektsııalyq statsıonarda 309 adam em qabyldap jatyr» dep habarlady departamenttiń baspasóz qyzmetinen.
Eske sala ketelik, budan buryn Atyraýda 82 adam koronavırýs juqtyryp, 81 naýqas saýyǵyp shyqqan bolatyn.
