Atyraýda bir táýlikte 86 adamnan koronavırýs tabylǵan
ATYRAÝ. QazAqparat – Búgin Atyraý oblysynda taǵy 86 adam koronavırýs juqtyrdy, dep habarlaıdy QazAqparat.
Tótenshe jaǵdaı rejımin qamtamasyz etý jónindegi óńirlik jedel shtabtyń habarlaýynsha, qaýipti indetke shaldyqqandar ishinde 84 adam – Teńiz ken ornynan shyǵar aldynda skrınıngten ótken jumysshylar.
«Taǵy eki naýqas – 1986, 1997 jylǵy áıelder. Olar - provızorlyq statsıonarǵa jumys babymen jiberilgen oblystyq aýrýhananyń sanıtary men laboranty» - dep habarlady jedel shtabtan.
Eske sala ketelik, 18 mamyrda Atyraý oblysynda koronavırýs ınfektsııasyn juqtyrǵandar sany 627 adamǵa jetti.
Al, qaýipti indetten jazylǵandar –165 adam.
