Atyraýda bir táýlikte 5 mas júrgizýshi ustaldy
Oblystyq polıtsııa departamenti baspasóz qyzmetiniń málimetinshe, 8 qarashada bastalǵan «Qaýipsiz jol» jedel-profılaktıkalyq is-sharasy 17 qarashaǵa deıin jalǵasady.
«Patrýldik polıtsııa batalonynyń qyzmetkerleri is-sharanyń alǵashqy kúni kólikke mas kúıde otyrǵan bes júrgizýshini anyqtady. Mas júrgizýshiniń biri 8 qarasha kúni saǵat 08:19 shamasynda Atyraý qalasyndaǵy Keıki batyr kóshesiniń boıynda ustaldy. Medıtsınalyq saraptamamen Nissan Teana avtokóligin basqarǵan 25 jastaǵy júrgizýshiniń jeńil dárejede mas kúıde ekeni dáleldendi», - dep habarlady departamenttiń baspasóz qyzmeti.
Júrgizýshige qatysty QR Ákimshilik quqyqbuzýshylyq týraly kodeksiniń 608-babynyń 1-bóligimen ákimshilik hattama toltyrylyp, kóligi arnaýly turaqqa qoıyldy. Sot sheshimimen 25 jastaǵy júrgizýshi 7 jyl merzimge kólik júrgizý quqyǵynan aıyrylyp, 15 táýlikke ákimshilik qamaýǵa alyndy.
«Al búgin saǵat 7:30 shamasynda patrýldik polıtsııa Abaı-Mahambet kósheleriniń qıylysynda Hyundai Tucson avtokóligin toqtatty. Tekserý kezinde 1981 jylǵy júrgizýshiden ishimdiktiń ıisi shyǵyp turǵan. Medıtsınalyq saraptama qorytyndysymen 40 jastaǵy azamattyń jeńil dárejede mas kúıde ekeni belgili boldy», - dep málim etti departamenttiń baspasóz qyzmetinen.
Kólik júrgizýshisine qatysty ákimshilik hattama toltyrylyp, jınaqtalǵan is-qujattar zańdy sheshim qabyldaý úshin ákimshilik sotqa joldandy. Al, Hyundai Tucson kóligi aıyp turaǵyna qoıyldy.
Eske sala ketelik, buǵan deıin Atyraýda bir kúnde jol erejesi 561 ret buzylǵanyn jazǵan bolatynbyz.