Atyraýda bir táýlikte 43 adam jaraqat alǵan
ATYRAÝ. QazAqparat – Atyraýda qalyń qar jaýyp, aýa raıynyń qolaısyzdyǵynan bir táýlikte 43 adam jaraqat alǵan, dep habarlaıdy QazAqparat.
Atyraý oblystyq aýrýhanasynyń baspasóz qyzmetiniń málimetinshe, dárigerlerge ótken bir táýlikte 43 adam júgingen. Onyń tórteýi jol-kólik oqıǵasynan jaraqat alǵan.
«Qalǵany jolda qulaǵannan jaraqattanǵan. Dárigerler 7 adamnyń jaraqatyna gıps salýǵa májbúr boldy. Kóshede jaraqat alǵandardyń bári – eresekter», - dep habarlady aýrýhananyń baspasóz qyzmeti.
Eske sala ketelik, budan buryn Atyraýda kóktaıǵaqtan 40 adam zardap shekkenin
habarlaǵan bolatynbyz.
