Atyraýda bir táýlikte 109 naýqas koronavırýstan saýyǵyp shyqty
ATYRAÝ. QazAqparat – Atyraý oblysynda ótken táýlikte koronavırýs ınfektsııasynan 109 naýqas saýyǵyp shyqty, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte 38 adam qaýipti vırýsty juqtyrǵan.
«Koronavırýsqa Teńiz kenishinen 23 jumysshy shaldyqty. Naýqastardyń arasynda Atyraý qalasynan – 13, Jylyoı aýdanynan 2 adam bar. Sovid-19-dyń sımptomdy túri 8 naýqastan anyqtaldy. Sońǵy málimetke sáıkes, ótken táýlikte koronavırýs ınfektsııasynan 109 adam emdelip shyqty» dep habarlady basqarmanyń baspasóz qyzmeti.
Al úı jaǵdaıynda 151 adam emdelip jatyr.
Oblystyq ınfektsııalyq statsıonarǵa - 69, aýdandardaǵy statsıonarlarda - 22, Teńiz kenishindegi statsıonarda - 278 adam em alý úshin oqshaýlanǵan.
Eske sala ketelik, buǵan deıin Atyraý oblysynda koronavırýsqa shaldyqqandar sany azaıǵanyn jazǵan edik.
