Atyraýda bir synypta 25 oqýshynyń sabaqqa qatysýyna ruqsat berildi
ATYRAÝ. QazAqparat – Atyraý oblysynda bir synypta 25 oqýshynyń sabaqqa qatysýyna ruqsat berildi, dep habarlaıdy QazAqparat.
Bul týraly Atyraý oblysynyń bas sanıtar dárigeri Mádınıet Tanaýovtyń jańa qaýlysynda aıtylǵan.
«2021 jyldyń 9 naýryzynan bastap jalpy bilim beretin mektepterde mektepaldy daıarlyq synyptaryn, 1-den 5-synypqa deıin qosa alǵanda, halyqaralyq mektepterde 1-den 7-synypqa deıin qosa alǵanda, synyptarda 25 baladan aspaıtyn bala sanymen aralas formatta oqytýǵa ruqsat etilsin», delingen qujatta.
Sondaı-aq, oqý bitiretin synyptar úshin (9, 11 (12) synyptar) aptanyń 6 kúni ishinde aralas formatta oqytýǵa: pánderdiń 70%-yn shtattyq rejımde, 30%-yn qashyqtan oqytýǵa (synypta 15 adamnan artyq emes, 1 synyp – 1 kabınet qaǵıdaty boıynsha oqytý, sanıtarııalyq- dezınfektsııalyq rejımdi, betperde kııý rejımin saqtaý), arnaıy, mamandandyrylǵan uıymdardyń, erekshe bilim berý qajettiligi bar balalarǵa arnalǵan mektep-ınternattardyń (onyń ishinde ata-anasynyń qamqorlyǵynsyz qalǵan jetim balalarǵa arnalǵan), jalpy úlgidegi mektep-ınternattardyń, daryndy balalarǵa arnalǵan mektep-ınternattardyń) qyzmetine ruqsat berildi.
Jańa qaýly 2021 jylǵy 9 naýryzda saǵat 00:00-den bastap zańdy kúshine enedi.
Eske sala ketelik, budan buryn Atyraý oblysynda koronavırýs juqtyrǵandar sany qaıta kóbeıgenin habarlaǵan bolatynbyz.
