Atyraýda bir otbasynyń 6 adamy gazdan ýlanyp, bireýi kóz jumdy
Atyraý qalalyq tótenshe jaǵdaılar basqarmasy bastyǵynyń orynbasary Magomed Ahrıevtiń aıtýynsha, bir otbasynyń alty adamy gazdan ýlanyp qalǵan.
Onyń ishinde tórt bala bar. Otbasynyń úlkeni – 90 jastaǵy keıýanany qutqarý múmkin bolmady.
«Tótenshe jaǵdaılar departamentiniń kezekshi qyzmetine jedel medıtsınalyq járdem stantsııasynan qońyraý tústi. Dárigerler Atyraý qalasyndaǵy aýrýhanaǵa tabıǵı gazben ýlanǵan alty adam túskenin habarlady. Úsh bala men bir jasóspirim oblystyq balalar aýrýhanasyna, eki eresek adam oblystyq aýrýhanaǵa jetkizildi. Alaıda, 90 jastaǵy ájeni qutqarý múmkin bolmady. Ol ýlanǵannan keıin kóz jumdy. Zardap shegýshilerdiń qalǵany medıtsınalyq kómek kórsetilgennen keıin esin jıdy. Qazir olardyń jaǵdaıy turaqty», - dep málim etti Magomed Ahrıev.
Onyń aıtýyna qaraǵanda, ýlanýdyń basty sebebi – gaz qazandyǵynyń qubyry tot pen qoqyspen bitelip qalǵan.
Sonyń saldarynan ot sónip, gaz tarala bastaǵan.
Eske sala ketelik, budan buryn Atyraý aýrýhanalarynda bir kúnde kóz jumǵan eki júkti áıel óliminiń sebebi aıtylǵanyn habarlaǵan bolatynbyz.
Ashy q k ó zderden alyn ǵ an foto