Atyraýda bir kúnde jol erejesi 561 ret buzyldy
ATYRAÝ. QazAqparat – Atyraýda bir kúnde jol erejesi 561 ret buzyldy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, 8-17 qarasha aralyǵynda «Qaýipsiz jol» jedel-profılaktıkalyq is-sharasy ótip jatyr.
«Іs-sharany ótkizýdegi maqsat – jol-kólik oqıǵalaryn boldyrmaý, jolda júrý qaǵıdalaryn buzýdyń aldyn alý. Іs-sharanyń alǵashqy kúninde jolda júrý erejesin buzýdyń 561 derekteri anyqtaldy. Onyń ishinde belgilengen jyldamdyq mólsherin attyrýdyń – 75, kólik quralyn paıdalaný kezinde uıaly telefonmen sóılesýdiń – 43, qaýipsizdik beldigin paıdalaný erejesin buzýdyń – 128, alkogoldik masań kúıde kólik quralyn basqarýdyń – 10, jaıaý júrginshige jol bermeýdiń – 17, qujattary joq jáne basqarý quqyǵy joq adamnyń kólik quralyn basqarýy – 26, manevr qaǵıdasyn buzǵan – 40, jaıaý júrginshilerdiń jáne jol júrisine ózge de qatysýshylardyń jol júrisi qaǵıdalarynyń talaptaryn oryndamaýy – 58, baǵdarshamnyń tyıym salatyn sıgnalyna nemese retteýshiniń tyıym salatyn qımylyna qaramaı ótý – 7, memlekettik nemese mindetti tehnıkalyq qarap-tekserýden ótpegen kólik quralyn basqarý – 38, tıisti ruqsatsyz qaıta jabdyqtalǵan kólik quralyn basqarý – 6, kólik quralyn basqarý quqyǵynan aırylǵan júrgizýshiniń kólik quralyn basqarýdyń 2 deregi bar» -dep málim etti oblystyq polıtsııa bastyǵy, polıtsııa polkovnıgi Qamza Úmbetqalıev.
Onyń aıtýynsha, jolda júrý erejesin buzǵan júrgizýshilerge hattama toltyrylyp, ákimshilik jaýapkershilikke tartyldy. Sondaı-aq, 17 avtokólik arnaıy turaqqa qoıyldy.
Eske sala ketelik, budan buryn Atyraý oblysynda 10 aıda sheteldik tirkeýdegi kólik apatynan 17 adam qaza bolǵanyn jazǵan edik.
