Atyraýda bir kúnde koronavırýs ınfektsııasynan 9 adam qaıtys boldy
ATYRAÝ. QazAqparat – «Qyzyl» aımaqtaǵy Atyraýda bir kúnde koronavırýs ınfektsııasynan 9 adam qaıtys boldy, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, keshe Jylyoı aýdanyndaǵy Teńiz ken ornynda 55 naýqas tirkelgen. Koronavırýs ınfektsııasy 7 aýdanda da taralyp otyr. Máselen, Isataıda – 32, Jylyoıda – 25, Mahambette – 13, Qyzylqoǵada – 12, Qurmanǵazyda – 9, Maqatta – 5, Inder aýdanynda 2 adamnan qaýipti vırýstyń belgisi tabylǵan.
«Qazir 8 635 adam úı jaǵdaıynda emdelip jatyr. Al, Teńiz ken ornyndaǵy statsıonarda – 398, aýdandardaǵy ınfektsııalyq statsıonarlarda – 339, №2 oblystyq aýrýhanada – 180, modýldik aýrýhanada – 179, oblystyq aýrýhanada – 142, kardıologııalyq ortalyqta – 98, temirjol aýrýhanasynda – 85, ftızıopýlmanologııa ortalyǵynda 62 naýqas em qabyldaýda. Sondaı-aq, statsıonarǵa laıyqtalǵan jataqhanada 85 patsıent oqshaýlanǵan. Ótken táýlikte koronavırýs ınfektsııasynan 9 adam qaıtys boldy» -dep habarlady basqarmanyń baspasóz qyzmeti.
Eske sala ketelik, budan buryn Atyraýda bir kúnde koronavırýstan 8 adam qaıtys bolǵanyn jazǵan edik.
