Atyraýda bir kúnde qoǵamdyq orynda mas júrgen 50 adam ustaldy
ATYRAÝ. QazAqparat – Atyraýda bir kúnde qoǵamdyq orynda mas júrgen 50 adam ustaldy, dep habarlaıdy QazAqparat.
Oblystyq polıtsııa departamentiniń baspasóz qyzmetinen málim etkendeı, 23 tamyzda Atyraý qalasynda «Quqyqtyq tártip» jedel-aldyn alý is-sharasy bastalǵan.
«Jedel-aldyn alý is-sharasyna Atyraý qalalyq polıtsııa basqarmasynyń 400-ge jýyq qyzmetkeri jumyldyrylyp, alǵashqy kúni 250 astam ákimshilik quqyq buzýshylyq anyqtaldy. Onyń ishinde qoǵamdyq oryndarda mas kúıde júrgen 50, usaq buzaqylyq jasaǵan 50, túngi tynyshtyqty buzǵan 15, otbasylyq janjalǵa sebepshi bolǵany úshin 13 adam ákimshilik jaýapkershilikke tartyldy», - dep málim etti baspasóz qyzmetinen.
Sondaı-aq, kólikte qaýipsizdik beldigin taqpaǵan 80 júrgizýshi anyqtaldy. Al, 30 júrgizýshi jaıaý júrginshilerge jol bermegen. Kólikti ishimdik ishken kúıde júrgizgen 2 júrgizýshi ustalǵan. Joldy belgilenbegen jerden kesip ótkeni úshin 30-dan astam jaıaý júrginshi jazalanǵan.
Eske sala ketelik, budan buryn qoǵamdyq orynda mas júrgen bir myńǵa jýyq atyraýlyq jaýapkershilikke tartylǵanyn jazǵan edik.
