Atyraýda bir kúnde karantın talaby 205 márte buzyldy
Oblystyq sanıtarııalyq-epıdemıologııalyq baqylaý departamenti baspasóz qyzmetiniń
aqparatyna súıensek, 64 monıtorıng toby jyl basynan qyrkúıekke deıin 12 167 reıd júrgizgen.
«Tekserý kezinde 50 191 nysan qamtyldy. Monıtorıng toptary departamentke karantın
talabyn buzýǵa qatysty 831 materıaldy joldady. Karantın shekteýin buzǵan
shaǵyn jáne orta bıznes nysandary men jeke tulǵalarǵa QR Ákimshilik quqyqbuzýshylyq
týraly kodeksiniń 425-babynyń 1-bólimimen 567 aıyppul salyndy» -dep habarlady
departamenttiń baspasóz qyzmetinen.
Al, qyrkúıektiń alǵashqy kúninde 35 reıd kezinde 174 nysan tekserilgen. Monıtorıng
toptary bir kúnde karantın talabynyń 205 márte buzylǵanyn anyqtaǵan.
Eske sala ketelik, buǵan deıin Atyraý oblysynda tamyz bastalǵaly 3 770 nysan
tekserilgenin jazǵan bolatynbyz.
