Atyraýda bir kúnde birneshe meıramhana karantın talabyn buzǵan
Oblystyq polıtsııa departamenti baspasóz qyzmetiniń málimetinshe, 26 naýryzda mobıldik top músheleri reıd kezinde Atyraý qalasynda birneshe meıramhananyń karantın talabyn buzǵanyn anyqtaǵan.
«Máselen, túngi saǵat 22:00-den keıin «Chechil Pub», «Vokzal», «Pınta» meıramhanalarynda 50-den astam adam bolǵan. Erkinqala aýylyndaǵy «Shárip», Jumysker eldi mekenindegi «Atyraý Holl» meıramhanalarynda, sondaı-aq, Almaly aýylyndaǵy úılerdiń birinde toı ótip jatqany anyqtaldy» -dep habarlady departamenttiń baspasóz qyzmetinen.
Anyqtalǵan derekterge qatysty jınaqtalǵan is-qujattar Atyraý qalalyq sanıtarııalyq-epıdemıologııalyq basqarmasyna joldandy.
Eske sala ketelik, buǵan deıin Atyraýda úsh kúnde 20-ǵa jýyq mekeme karantın talabyn buzǵanyn jazǵan jazǵan bolatynbyz.
