Atyraýda bir ǵımarattaǵy 4 qoıma órtenip ketti
Oblystyq Tótenshe jaǵdaılar departamenti baspasóz qyzmetiniń aqparatyna qaraǵanda, órt 19 sáýirde saǵat 20:36-da bolǵan.
«Atyraý qalasyndaǵy B.Maılın kóshesi, №83 «A» mekenjaıynda ornalasqan 4 azyq-túlik qoımasyndaǵy órtti sóndirýge Tótenshe jaǵdaılar departamentiniń jeke quramynan 35 qyzmetker pen 7 órt sóndirý tehnıkasy, «ATMA-Aeroport» AQ-nyń 3 qyzmetkeri men
1 tehnıkasy, «Órt sóndirýshi» AQ fılıalynan 3 qyzmetker men 1 tehnıka jumyldyryldy. Órt saǵat 21:47-de oqshaýlanyp, saǵat 22:09-da tolyqtaı joıyldy.
Jalynnyń saldarynan «Myrzabaeva» jeke kásipkerligine (burynǵy sút kombınaty) qarasty jalpy aýdany 414 sharshy metrdi quraıtyn 1 qabatty ǵımarattaǵy 4 qoıma tolyq janyp ketti. Qoıma aýlasynda órtti sóndirýge qajetti sý alatyn gıdranttar bolmaǵan.
Sol sebepten, órt sóndirý avtokólikteri sý toltyrý úshin «Almagúl» shaǵyn aýdanynda ornalasqan órt sóndirý gıdranttaryna barýǵa májbúr boldy», deıdi departamenttiń baspasóz qyzmeti.
Eske sala ketelik, budan buryn Atyraý qalasynda kottedj órtengenin
habarlaǵan edik.
