Atyraýda bir aýyldyń tórt turǵyny birneshe kúnge qamaldy
ATYRAÝ. QazAqparat –Atyraý oblysyndaǵy Janbaı aýylynyń tórt turǵyny tótenshe jaǵdaı rejımin buzǵany úshin úsh táýlikke qamaldy, dep habarlaıdy QazAqparat.
«Janbaı aýylynyń tórt turǵyny tótenshe jaǵdaıdyń jarııalanýyna baılanysty memlekettik organ belgilegen talaptardy oryndaǵan. Olar 2020 jyly 7 sáýirde túngi saǵat 22.30-ter shamasynda Aqqystaý aýylyndaǵy Egemen Qazaqstan kóshesiniń boıynda toptasyp júrgen. Keshki saǵat 21:00-den keıin kólikpen sebepsiz shyqqan ári tótenshe jaǵdaı rejımin buzǵan», - dep habarlady oblystyq sottyń baspasóz qyzmeti.
Osyǵan baılanysty ákimshilik hattama toltyrylyp, materıal Isataı aýdandyq sotyna joldanǵan. Sotta tótenshe jaǵdaı rejımin buzý faktisine qatysty 4 ákimshilik is qaraldy. Quqyq buzýshylar «TrueConf» qosymshasy arqyly sot otyrysyna qatysyp, ózderiniń kinásyn moıyndady.
Sot qaýlysymen quqyq buzýshylar kináli dep tanylyp, olardyń árqaısysyna 3 táýlik merzimge ákimshilik qamaýǵa alý jazasy taǵaıyndaldy.
