Atyraýda bir aptanyń ishinde 18 mas júrgizýshi ustaldy
ATYRAÝ. QazAqparat – Atyraýda bir aptanyń ishinde 18 mas júrgizýshi ustaldy, dep habarlaıdy QazAqparat.
Oblystyq polıtsııa departamentiniń baspasóz qyzmetinen málim etkendeı, 25 tamyz ben 1 qyrkúıek aralyǵyndaǵy bir aptada patrýldik polıtsııa qyzmetkerleri mas kúıde kólik basqarǵan 18 júrgizýshini anyqtap, ákimshilik jaýapkershilikke tartqan.
«Máselen, 29 tamyzda saǵat 01:40 shamasynda Atyraý qalasyndaǵy A.Qunanbaev kóshesinde «Toyota» markaly avtokóligi toqtatylǵan. Tekserý kezinde kóliktiń 47 jastaǵy júrgizýshisinen ishimdiktiń ıisi baıqalǵan. Medıtsınalyq saraptamanyń korytyndysymen júrgizýshiniń jeńil dárejedegi mas ekeni anyqtaldy. Al, 30 tamyzda saǵat 03:30 shamasynda Birlik kentindegi Qorqyt ata kóshesinde Reseı Federatsııasynda tirkelgen «Vaz-21101» markaly kóligin tizgininde bolǵan 37 jastaǵy júrgizýshisiniń orta dárejedegi mas ekeni medıtsınalyq saraptama qorytyndysymen dáleldendi», - dep habarlady departamenttiń baspasóz qyzmeti.
Eki júrgizýshige qatysty QR Ákimshilik quqyqbuzýshylyq týraly kodeksiniń 608-babynyń 1-bólimimen (Júrgizý quqyǵy joq júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarǵany úshin) ákimshilik hattama toltyryǵan. Sot sheshiminen eki júrgizýshi 7 jylǵa kólik júrgizý quqyǵynan aıyrylyp, 15 táýlikke ákimshilik qamaqqa alyndy.
Eske sala ketelik, budan buryn Atyraýda mas júrgizýshi 20 kúnge qamalǵanyn jazǵan bolatynbyz.
Avtor: Bek Mustafa
