Atyraýda bir aptada aıyppuly tólenbegen 42 kólik turaqqa qoıyldy
ATYRAÝ. QazAqparat – Atyraýda bir aptada aıyppuly tólenbegen 42 kólik aıyp turaǵyna qoıyldy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, bir aptada qala aýmaǵynda aıyppuly tólenbegen 42 avtokólik anyqtaǵan.
Onyń ishinde reseılik - 36, Armenııa elinen ákelingen - 4 avtokólik bolsa, Qyrǵyzstannan jetkizilgen 1 avtokólik bar.
Bul kólikterdiń júrgizýshileri jyldamdyqty asyrý, jol belgisi talaptaryn oryndamaý, baǵdarshamnyń tıym salynǵan túsinen ótý qaǵıdalaryn buzǵan.
Bul derekter «Sergek» kameralary arqyly dáleldengen.
«Máselen, 20 shilde saǵat 22:30 shamasynda patrýldik polıtsııa qyzmetkerleri 1990 jylǵy azamattyń basqarýyndaǵy «Mersedes» markaly avtokóligi toqtatqan. Tekseris kezinde Armenııada tirkelgen avtokólik júrgizýshisiniń 320 870 teńgeni quraıtyn 11 aıyppuly tólenbegeni anyqtaldy», -deıdi departament bastyǵy, polıtsııa polkovnıgi Qamza Úmbetqalıev.
Eske sala ketelik, budan buryn Atyraýda bir aptada 13 mas júrgizýshi ustalǵan bolatyn.
