Atyraýda bir aptada 9 jasóspirim joǵalyp ketken
ATYRAÝ. QazAqparat – Atyraýda bir aptada 9 jasóspirim joǵalyp ketken, dep habarlaıdy QazAqparat.
Oblystyq polıtsııa departamenti baspasóz qyzmetinen málim etkendeı, 102 operatoryna jasóspirimderdiń turǵylyqty meken-jaıynan habar-osharsyz ketkeni týraly 9 shaǵym túsken.
«Polıtsııaǵa habar bergen týystarynyń aıtýynsha, jasóspirimder belgisiz baǵytqa shyǵyp ketkennen úıine oralmaǵan. Máselen, 1 qyrkúıekte saǵat 16:09 shamasynda 33 jastaǵy
áıel «Turǵyn úı qalashyǵy» aıaldamasy ornalasqan kóshede 7 jasar qyzyn joǵaltyp
alǵan. Polıtsııa qyzmetkerleri atalǵan derekterge qatysty joǵalǵan jasóspirimderdi 2-3 saǵatta taýyp, ata-analaryna tabystady» - deıdi oblystyq polıtsııa departamentiniń
bastyǵy, polıtsııa polkovnıgi Qamza Úmbetqalıev.
Eske sala ketelik, budan buryn Atyraýda bir aptada habar-osharsyz ketken 12 bala tabylyp, úılerine qaıtarylǵanyn jazǵan bolatynbyz.
