Atyraýda bir aptada 9 balany ıt qapty
ATYRAÝ. QazAqparat –Atyraýda bir aptada 9 balany ıt qapty, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna súıensek, 15-22 qazanda 9 balany ıt qaýyp, dene jaraqatyn alǵany anyqtalǵan.
«Taldaý kórsetkendeı, balalardyń beseýin buralqy ıtter, úsheýin kórshisiniń, al bireýin óz aýlasyndaǵy ıti qapqan. Toǵyz balanyń bári de alǵashqy medıtsınalyq kómekke júgindi. Dárigerler ıt qapqan balalardyń jaraqatyn jeńil dárejede dep qorytyndy jasady. Tirkelgen oqıǵalardyń tek bireýine qatysty QR Ákimshilik quqyq buzýshylyq týraly Kodekstiń 408-babymen hattama toltyrylyp, ıt ıesine 13890 teńge kóleminde aıyppul salyndy. Qalǵan 8 derek boıynsha jábirlenýshiler tarapynan aryz-shaǵym túsken joq» -dedi departamenttiń baspasóz qyzmeti.
