Atyraýda bir aptada 1000-nan astam jol erejesi buzylǵan
Oblystyq polıtsııa departamenti baspasóz qyzmetiniń málimetinshe, 2-8 qarasha aralyǵynda patrýldik polıtsııa qyzmetkerleri 1001 jolda júrý erejelerin buzýshylyqty anyqtady.
«Atap aıtqanda, kólik quralyn mas kúıinde basqarǵan 13 júrgizýshi (QR Ákimshilik
quqyqbuzýshylyq týraly Kodeksiniń 608-baby), joldyń qarsy baǵytyna shyǵyp
júrgizgen – 7 (596-babynyń 3-bólimi), mindetti saqtandyrý shartyn jasasýdan
jaltarǵandar – 162 (230-babynyń 2-bólimi), júrgizý quqyǵynan aıyrylǵan – 2 (612-
babynyń 3-bólimi) júrgizýshi anyqtalyp, ákimshilik jaýapkershilikke tartyldy. Quqyq
buzýshylyq jasaǵany úshin salynǵan aıyppulyn tólemeı júrgen 72 júrgizýshi tártip saqshylarynyń nazaryna ilikti», -dep habarlady departamenttiń baspasóz qyzmeti.
Sondaı-aq, Reseıde tirkelgen 44, Armenııada esepte turatyn 5 kólik quraly arnaıy turaqqa qoıylǵan. Al, 23 avtokólik ıesinen 922 296 teńge kóleminde aıyppul óndirilgen.
Ákimshilik aıyppulyn tólemeı júrgenderdiń basym bóligi shetelde tirkelgen avtokólikterdiń júrgizýshileri bolyp shyqty.
Eske sala ketelik, budan buryn Atyraýda 14 mln teńge aıyppulyn tólemegen 192 júrgizýshi ustalǵan bolatyn.
