Atyraýda bir apta boıy ystyq sý berilmeıdi

ATYRAÝ. QazAqparat – Atyraý qalasynda bir apta boıy ystyq sý berilmeıdi, dep habarlaıdy, QazAqparat.

«Atyraý jylý jelileri» AQ taratqan aqparatqa qaraǵanda, bul josparly kúrdeli jóndeý júrgizýge baılanysty bolyp otyr.

«Kúrdeli jóndeý júrgizýdiń josparly kestesine sáıkes, 13-20 qyrkúıek aralyǵynda qalanyń barlyq jylý pýnktinen ystyq sý berý ýaqytsha toqtatylady. Magıstraldyq jylý jelileriniń ortalyq toraptaryn jóndeý jáne aldyn alý kezinde tolyq toqtatý júrgizililedi. Osyǵan oraı «Atyraý jylý jelileri» AQ qala turǵyndary men qonaqtarynan ýaqytsha qolaısyzdyqqa túsinistikpen qaraýdy suraıdy», -delingen kásiporyn taratqan aqparatta.

Eske sala ketelik, budan buryn Atyraý qalasynda sol jaǵalaýǵa gaz berý ýaqytsha toqtatylatynyn jazǵan bolatynbyz.