Atyraýda bilim basqarmasynyń burynǵy basshylary 58,5 mln teńgeni qaıtardy
Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti basshysynyń mindetin ýaqytsha atqarýshy Qanat Qojahmetovtiń habarlaýynsha, 2018-2019 jyldary bilim berý salasynda jemqorlyq qylmyspen baılanysty 68 derek tirkelgen.
«Bilim berý basqarmasynyń burynǵy basshylary bıýdjetke keltirilgen 110 mln teńge shyǵynnyń 58 mln 512 myń teńgesin ótedi. Sot úkimimen memleket paıdasyna quny 11 mln teńge turatyn «Toyota Land Cruser Prado» avtokóligi men 2,5 mln teńgege baǵalanǵan «Hyundai Super Aero» shaǵyn avtobýsy, sondaı-aq, ekinshi deńgeıli bankterdiń esepshotynda saqtalǵan 4 mln teńge qaıtaryldy», - dedi Qanat Qojahmetov.
Onyń aıtýynsha, Qurmanǵazy aýdanyndaǵy Y.Altynsarın, N.Manaev atyndaǵy jáne Nurjaý orta mektebin kúrdeli jóndeý jumystarynyń aıaqtalmaǵanyn búrkemeleý úshin BAQ ókilderine 1,1 mln teńge zańsyz berilgen.