Atyraýda bıiktigi 50 metrden asatyn sholý dóńgelegi bar saıabaq salynady
ATYRAÝ. QazAqparat - Atyraýda bıiktigi 50 metrden astam sholý dóńgelegi bar saıabaq salynady. Bul týraly qala ákimi Serik Shapkenov halyqqa esep berý jıynynda aıtty, dep habarlaıdy QazAqparat óńirlik kommýnıkatsııalar qyzmetine silteme jasap.
Qala ákiminiń aıtýynsha, qazir Atyraý memlekettik ýnıversıteti mańyndaǵy Jaıyq ózeniniń «banan jaǵalaýynan» saıabaq salýǵa arnalǵan jobalaý-smetalyq qujattama daıyndalyp, saraptamadan ótýde.
Saıabaq aýdany - 6,5 gektar, aýmaǵyna 3,1 gektar jasyl jelek otyrǵyzylady, arsha, bórtegúl egiledi.
Saıabaq aýmaǵynda bıiktigi 55 metr sholý dóńgelegi, átkenshek, balalar oıyn alańy, skeıtborlıng, uzyndyǵy 300 metr jaıaý júrginshiler sýburqaǵy, shaǵyn fýtbol alańy, jaıaý júrginshiler jáne velosıped joldary bolady.
«Mundaı saıabaq burynnan qajet edi. Oblys basshysynyń tapsyrmasymen turǵyndardan usynystar jınap, eń tıimdi nusqany tańdap aldyq», - dedi Serik Shapkenov.
Qala ákimi saıabaq qurylysy jer qoınaýyn paıdalanýshylardyń áleýmettik jarnalary esebinen júrgiziletinin aıtty.
