Atyraýda beınekamera kómegimen 14 myńǵa jýyq quqyq buzýshylyq anyqtaldy
Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtiń
aıtýynsha, Atyraý qalasynyń aýmaǵynda 759 beınebaqylaý kamerasy ornatylǵan.
«Beınekameralar jedel basqarý ortalyǵyna qosylǵan. Mundaǵy jumys bir sekýndqa da
toqtamaıdy. Barlyq jedel aqparat osynda kelip túsedi. Máselen, byılyǵy jyl basynan beri beınebaqylaý júıesimen 300-den astam qylmys, 13 839 ákimshilik quqyq buzýshylyq anyqtaldy. Onyń urlyq, usaq urlyq, buzaqylyq sııaqty qylmystar bar. Sondaı-aq, beınebaqylaý kameralarymen alkogoldik ishimdik iship, kólik tizgindeý nemese kóshede, qoǵamdyq oryndarda mas kúıinde bolý, temeki tuqylyn, turmystyq qoqystardy tastaý
anyqtaldy», - deıdi jedel basqarý ortalyǵynyń bastyǵy, polıtsııa podpolkovnıgi Asqar Atamqulov.
Jyl basynan beri jedel basqarý ortalyǵynyń beınebaqylaý kameralarymen jol júrý
erejelerin buzǵan 10 myńnan astam júrgizýshi, usaq buzaqylyq deregimen 3 606 adam
anyqtalyp, olar ákimshilik jaýapkershilikke tartylǵan.
Eske sala ketelik, budan buryn Atyraýda urlanǵan kólik 15 mınýtta ıesine qaıtarylǵanyn habarlaǵan bolatynbyz.