Atyraýda beınebaqylaý kameralary ornatylýda
ATYRAÝ. QazAqparat - Atyraýda beınebaqylaý kameralaryn satyp alý úshin jergilikti bıýdjetten 1 mlrd teńge bólindi, dep habarlaıdy «QazAqparat» HAA tilshisi.
«Qazirgi tańda jańa 429 beınebaqylaý kameralaryn satyp alý jáne ornatý jumystary júrgizilip jatyr. Beınebaqylaýdyń jańa núktelerin jabdyqtaý jumystary bastalyp ketti, bul Jedel basqarý ortalyǵynyń qala aýmaǵyn qamtýyn keńeıtýge múmkindik beredi», dep habarlady óńirlik ІІD baspasóz qyzmeti.
Qazirgi tańda Atyraýda 329 vıdeokamera bar, onyń 72-si jol qozǵalysyn, 38-i qoǵamdyq oryndardy, 166-y turǵyn úıdiń aýlalaryn baqylaıdy.
