Atyraýda beton jáne polıetılen paketteri shyǵarylmaq
ATYRAÝ. QazAqparat - Atyraý oblysynda «Kásipkerlikti qoldaý kartasyna» engizilgen bes jańa joba iske asyrylýda, dep habarlaıdy QazAqparat tilshisi.
Atyraý oblystyq kásipkerlik jáne ındýstrıaldy-ınnovatsııalyq damý basqarmasynyń basshysy Aıhyn Eleýsizovtyń aıtýynsha, bul - taýarly beton óndiretin «New Ascent» JShS, bir ret qoldanylatyn staqan óndiretin «ANTA» JShS, temirbeton buıymdaryn shyǵaratyn «Atyraý beton 24» JShS men plastık qaldyqtaryn óńdeıtin Eko Plastık» JShS.
"Atalǵan jobalardy iske asyrýda memleket tarapynan beriletin nesıelerdi sýbsıdııalaý, paıyzdyq mólsherlemeler, kepildendirý jáne grant bólýmen qamtamasyz etetin bolady" -deıdi ol.
Jobalardyń jalpy quny 2,5 mlrd teńgeni quraıdy. Jobanyń iske qosqanda óńirde 107 jańa jumys orny ashylady dep josparlanýda.
Avtory: Abaı AQMURZIEV
