Atyraýda besinshi qabattan qulaǵan 4 jasar bala mert boldy
Atyraý oblystyq polıtsııa departamentiniń baspasóz qyzmetinen málim etkendeı, oqıǵa keshe, 10 qyrkúıekte tirkelgen.
«Jergilikti ýaqytpen saǵat 19:30 shamasynda kópqabatty turǵyn úıdiń 5-qabatynan 2019 jylǵy bala qulap ketken. Balaqaı ártúrli dene jaraqatynyń saldarynan esin jımastan qaıtys boldy», -dep habarlady departamenttiń baspasóz qyzmeti.
Polıtsııa qyzmetkerleri atalǵan derek boıynsha QR Qylmystyq kodeksiniń 141-babynyń 2-bóligimen sotqa deıingi tergeý amaldaryn júrgizilip jatyr.
Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.
Belgili bolǵandaı, balanyń ata-anasy Atyraý qalasynyń turǵyndary ekeni anyqtalǵan. Bul otbasy Mahambet kóshesindegi kópqabatty turǵyn úıde turady.
Eske sala ketelik, buǵan deıin Atyraý oblysynda jyl basynan beri 7 bala joǵarǵy qabattan qulap, ekeýi mert bolǵanyn jazǵan edik.
Oblystyq tótenshe jaǵdaılar departamentiniń qoǵammen baılanys tobynan málim etkendeı, balalardyń joǵarǵy qabattan qulaý deregi jıi tirkelip otyr.
«Bıylǵy jyl basynan beri turǵyn úılerdiń joǵarǵy kámeletke tolmaǵan 7 balanyń qulaǵany týraly derek tirkeldi. Onyń ishinde 2 bala mert boldy. Turǵyn úıdiń terezesinen qulaý dereginiń biri 18 tamyzda Atyraý qalasynda tirkelip otyr. Departamenttiń dıspetcherlik pýltine keshki saǵat 20:15-te M.Áýezov kóshesinde ornalasqan 5 qabatty turǵyn úıden balanyń qulaǵany týraly habar tústi. Ata-anasynyń qaraýynsyz qalǵan 2 jasar bala 4-qabattaǵy terezeden qulap ketkeni anyqtaldy», -dep málim etken edi departamenttiń qoǵammen baılanys toby.
