Atyraýda bes qabatty turǵyn úıdegi órt sóndirildi
ATYRAÝ. QazAqparat – Atyraý qalasynda bes qabatty turǵyn úıdegi órt sóndirildi, dep habarlaıdy QazAqparat QR ІІM Tótenshe jaǵdaılar komıtetine silteme jasap.
«15 aqpan kúni jergilikti ýaqytpen saǵat 16:22-de «101» pýltine Mahambet kóshesi №121 úıdegi bes qabatty úıdiń órtenýi týraly aqparat kelip túsken. Órt sóndirýshiler kelip jetkenshe úıdiń shatyryn túgelge jýyq jalyn sharpyǵan. Qutqarýshylar 30 turǵyndy evakýatsııalady», - delingen QR ІІM TJ komıtetiniń resmı habarlamasynda.
Jergilikti ýaqytpen saǵat 18:18-de 600 sharshy metr aýmaqty sharpyǵan órt toqtatyldy. Al 18:28-de tolyq sóndirildi.
«Órtti sóndirýge jeke quramnan 35 adam jáne oblystyq TJ departamentiniń 8 tehnıkasy jumyldyryldy. Polıtsııa qyzmetkerleri úı aýmaǵyn qorshaýǵa aldy. Turǵyn úıdiń shatyry túgel janyp ketti», - delingen komıtet habarlamasynda.
