Atyraýda bes adam donorlyq júrek transplantatsııasy kezeginde tur
ATYRAÝ. QazAqparat – Atyraýda bes adam donorlyq júrek transplantatsııasy kezeginde tur, dep habarlaıdy QazAqparat.
Atyraý oblystyq kardıologııa ortalyǵy dırektorynyń orynbasary Sandýǵash Jumaǵalıevanyń aıtýynsha, osy kezge deıin úsh adamǵa jasandy júrek transplantatsııasy jasalǵan.
«Onyń ekeýi – Atyraý qalasynyń turǵyny, bireýi Jylyoı aýdanynda turady. Úsheýi de kardıologııa ortalyǵy mamandarynyń baqylaýyna alyndy. Qazir oblysta júrek transplantatsııasyn kútý paraǵynda bes adam bar. Olar – jasandy sol jaq qarynshasy men aýyr júrek dertine ushyraǵan adamdar. Júrekke otanyń qajettiligin málim etken adamdardy ǵana aıtyp otyrmyn. Shyn máninde júrek transplantatsııasyna muqtaj adamdar kóp bolýy múmkin» - deıdi Sandýǵash Jumaǵalıeva.
Eske sala ketelik, budan buryn Atyraýda týa bitken patologııasy bar balaǵa kúrdeli ota jasalǵanyn habarlaǵan edik.
