Atyraýda benzın óndirisi táýligine 4,5 myń tonnaǵa jetkizildi

ATYRAÝ. «QazAqparat» - Atyraý munaı óńdeý zaýyty taýarlyq benzın óndirisiniń kólemin táýligine 1 900-den 4 500 tonnaǵa deıin ulǵaıtty, dep habarlaıdy «QazAqparat» HAA tilshisi.

«29 naýryzdan bastap Atyraý MÓZ munaıdy tereń óńdeý keshenindegi katalıtıkalyq krekıng qurylǵysyn iske qosqan soń benzın óndirý kólemin eki esege, ıaǵnı táýligine  1 900 tonnadan 4 500 tonnaǵa deıin ulǵaıtty. Sonymen qatar óndiriletin benzın markasy AI-92 jáne odan joǵary», - dep habarlaıdy Atyraý MÓZ baspasóz qyzmeti. 

Esterińizge sala keteıik, «Atyraý munaı óńdeý zaýytynda tereń munaı óńdeý keshenin salý» jobasy Qazaqstannyń ındýstrııalyq-ınnovatsııalyq damýynyń memlekettik baǵdarlamasy aıasynda júzege asyrylyp, kásiporynnyń jańǵyrtylýynyń úshinshi, sońǵy kezeńi bolyp tabylady. Joba 12 jeke tehnologııalyq qondyrǵyny jáne jalpy zaýyttyń 40-tan astam nysanyn salýdy qarastyrady. Negizgi qondyrǵy - katalıtıkalyq krekıng qondyrǵysy, ol K4 jáne K5 ekologııalyq klasty joǵary oktandy benzın óndirýde munaıdyń tereń óńdelýi úshin qajet. 


Foto: m.bbgl.ru