Atyraýda bekireni zańsyz aýlaǵan qylmystyq top ustaldy
ASTANA. QazAqparat - Atyraý qalasynda bekire balyǵyn zańsyz aýlap, satýmen aınalysyp kelgen qylmystyq top ustaldy. Bul týraly QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«Atyraý oblystyq ІІD uıymdasqan qylmyspen kúres basqarmasynyń qyzmetkerleri jedel izdestirý sharasy barysynda Atyraý qalasynda oblys ortalyǵynyń jáne Isataı aýdanynyń turǵyndarynan quralǵan qylmystyq topty ustady. Olar Kaspıı teńizi jaǵalaýynda bekire balyqtaryn zańsyz aýlaýmen, ony saqtap, Atyraý qalasy aýmaǵynda satýmen aınalysqan», - dedi ol.
Departament basshysynyń aıtýynsha, ótken jyldan beri Atyraý oblystyq ІІD qyzmetkerleri atalǵan toptyń bekire balyǵyn satýynyń birneshe faktisin tirkegen.
«16 qańtar kúni osy istiń fıgýranttarynyń turyp jatqan jerlerin tintý barysynda 1,2 keli ýyldyryq, 13 bekire balyǵy, tsıfrlyq tarazy tárkilendi. Sol kúni qylmystyq toptyń basshysy men úsh qatysýshysynyń ústinen uıymdasqan qylmystyq topqa basshylyq jasap, oǵan qatysqany úshin qylmystyq is qozǵaldy. Barlyq tulǵalar tutqynǵa alyndy», - dedi Almas Sadýbaev.
