Atyraýda Bas kólik dárigeri tutqyndaldy
ATYRAÝ. QazAqparat - «Atyraý bólimshelik kóliktegi qoǵamdyq densaýlyq saqtaý basqarmasy» RMM Bas kóliktik dárigeri tutqynǵa alyndy, dep habarlaıdy «QazAqparat» HAA tilshisi.
«Tergeý organdarymen I. V. Shınge ózine qarasty uıymdardan birneshe ret aqshalaı para aldy degen kúdik keltirilýde.
Qylmystyq kodekstiń - 366 baptyń 3 bóligi 3,4-tarmaǵy (Para alý) boıynsha sotqa deıingi tergeý júrýde»,- dep habarlady Atyraý kólik prokýrory Berik Qulmaǵambetov.
«Atyraý kóliktegi qoǵamdyq densaýlyq qorǵaý basqarmasy» RMM basshysy Igor Shınge qatysty sotqa deıingi tergeýdi sybaılas jemqorlyqqa qarsy kúres departamenti júrgizýde.
