Atyraýda bas dáriger palatalardyń bos turǵanyn joqqa shyǵardy
ATYRAÝ. QazAqparat – Atyraýdaǵy №2 oblystyq aýrýhanasynyń bas dárigeri bos turǵan palatalar týraly aqparatty joqqa shyǵardy, dep habarlaıdy QazAqparat.
Infektsııalyq statsıonardan shyqqan jergilikti turǵynnyń biri Vadım Bartashevıch aýrýhana palatalaryn basqa naýqastarǵa daıyndap jatqan protsesin beınekameraǵa túsirip, áleýmettik jelige salǵan.
«№2 oblystyq aýrýhanada bos oryndar bar. Adamdar aýrýhanaǵa jatyp emdelip, arnaıy apparat arqyly dem alýdy qajet etedi. Biraq, bul jerde olarǵa kómek kórsetetin maman tapshy», - degen jazbasyn qaldyrǵan álemýtettik jelige birneshe bos palatanyń beınejazbasyn jarııalaǵan.
Osyǵan oraı №2 oblystyq aýrýhananyń bas dárigeri Maǵjan Seıitjanovtyń aıtýynsha, emdelip shyqqan azamat jaǵdaıy jaqsaryp, ambýlatorlyq emdeýge aýystyrylǵan emdelýshilerdiń palatasyn uıaly telefonynyń kamerasyna túsirip alǵan.
«Bul jerde dezınfektsııalyq jáne tazalyq jumystary júrgizilip jatqan. Qazirgi tańda atalǵan 30 palataǵa «koronavırýs ınfektsııa» dıagnozy rastalǵan oblystyq aýrýhanadaǵy naýqastar jatqyzylýda. Aýrýhana shtattyq rejımde jumys isteıdi. Medıtsınalyq qyzmetkerlerdiń jetispeýshiligi baıqalmaıdy», - deıdi Maǵjan Sıtjanov.
Medıtsınalyq mekeme basshysy 16 patsıenttiń búgin palataǵa ornalastyrylyp, em qabyldap jatqanyn rastady.
«№2 oblystyq aýrýhananyń juqpaly aýrýlar statsıonarynda barlyǵy 162 adam emdelýde», - dep atap ótti bas dáriger Maǵjan Seıitjanov.
Bas dáriger jergilikti turǵyndardan áleýmettik jelilerde jalǵan aqparatty taratpaýdy jáne óńirdegi turaqsyz epıdemııa kezinde jaǵdaıdy odan ári ýshyqtyrmaýdy suraıdy.
Eske sala ketelik, buǵan deıin Densaýlyq saqtaý mınıstri Atyraýdaǵy ınfektsııalyq statsıonardy onlaın aralaǵan edi.
