Atyraýda bas dáriger bir bótelke vıski túrindegi para úshin isti boldy
ATYRAÝ. QazAqparat - «Atyraý oblysy Іshki ister departamentiniń emhanasy bar gospıtali» respýblıkalyq memlekettik mekemesiniń bas dárigeri para alǵany úshin sottaldy, dep habarlaıdy QazAqparat.
«Sotta 2016 jyldyń aqpan aıynda «Atyraý oblysy Іshki ister departamentiniń emhanasy bar gospıtali» respýblıkalyq memlekettik mekemesiniń bas dárigeri polıtsııaǵa qyzmetke ornalaspaq bolǵan azamatqa medıtsınalyq komıssııany ótýge kómekteskeni belgili boldy. Bul úshin para retinde quny 10 myń teńge turatyn bir shólmek vıskı alǵan. QR QK-niń «Para alý» baby boıynsha tergeýaldy jumystarmen sybaılas jemqorlyqqa qarsy vedomstvo aınalysty. Sotta aıyptalýshy kináni moıyndaý týraly prokýrormen protsessýaldy kelisim jasasý nıetin bildirdi. Sot ony kináli dep tanyp, aıyppul túrindegi jazany taǵaıyndady. Aıyppuldyń kólemi - paranyń 50 eselengen somasy - 825 myń teńge. Sondaı-aq onyń múlki tárkilenip, ómir boıyna memlekettik qyzmette eńbek etý quqyǵynan aıyryldy», - delingen Atyraý oblystyq sotynyń baspasóz qyzmeti taratqan habarlamada.
