Atyraýda barymtashylar jylqyny qasaphanaǵa tapsyrmaq bolǵan kezde ustaldy
ATYRAÝ. QazAqparat - Atyraýda 8 jylqyny soıýǵa jibermekshi bolǵan barymtashylar qolǵa tústi, dep habarlaıdy QazAqparat.
«Atyraý oblysynda jedel shara kezinde jylqy urlaǵandar ustaldy. Kúdiktiler Qyzylqoǵa aýdany Qarabaý aýylynan maldy kólikke tıep alyp ketken. Qyzylqoǵa aýdandyq polıtsııa bóliminiń qyzmetkerleri kúdiktilerdi Inder aýdanynan ustady. Urlanǵan 8 jylqynyń 3-eýin polıtseıler mal soıý ornynan taýyp, tárkiledi. Búginde 3 jábirlenýshi ózderine keltirilgen shyǵyp mólsherin 4 mln teńgege baǵalap otyr», dep habarlady oblystyq Polıtsııa departamentinen.
Qazirgi ýaqytta QR QK-niń 188-baby boıynsha sotqa deıingi tergeý júrgizilip jatyr.
Sonymen qatar, tıisti qujattarsyz mal tasymaldaǵan 19 tulǵaǵa qatysty QR ÁQBtK-niń 406-babyna sáıkes hattama toltyryldy.
