Atyraýda balyqtyń qyrylýyna baılanysty sotqa deıingi tergeý bastaldy
Atyraý oblysynyń mamandandyrylǵan tabıǵat qorǵaý prokýrory Ashat Qasymovtyń aıtýynsha, Qaıyrshaqty aýyldyq okrýgindegi kanal men Bezymıannyı sý qoımasynda balyqtyń qyrylý deregine baılanysty sotqa deıingi tergeý bastalǵan.
Tergeý QR Qylmystyq kodeksiniń 336-babyna sáıkes balyq qoryn qorǵaý erejelerin buzý deregimen júrgizilip jatyr.
Keshe, 26 sáýirde Atyraý qalasynyń mańyndaǵy Qaıyrshaqty aýyldyq okrýgindegi Bezymıannyı kólinde usaq balyqtyń qyrylǵany anyqtaldy. Soǵan baılanysty arnaıy komıssııa quryldy.
Jaıyq-Kaspıı oblysaralyq basseındik balyq sharýashylyǵy ınspektsııasynyń basshysy Nurlybek Ǵaısınniń málimetine súıensek, balyqtyń qyrylýyna qaırańǵa shyǵyp qalǵany sebep bolýy múmkin.
Al oblystyq balyq sharýashylyǵy basqarmasynyń basshysy Artýr Sádibekulynyń aıtýynsha, balyqtardyń ýyldyryq shashý ornyna erkin kirýi úshin Qaıyrshaqty okrýgi aýmaǵynan 800 metr kanal qazylǵan.
Kanaldyń tereńdigi – shamamen 1 metr. Mamandar Bezymıannyı kólinen qarakóz balyǵynyń 65 keli óli shabaǵyn jınaǵan.
Tabıǵat qorǵaý prokýratýrasy men ınspektsııa mamandary óńirdegi sý aıdyndarynda monıtorıng júrgizip jatyr. Bul oblys prokýrorynyń baqylaýyna alynǵan.
Budan buryn jazǵanymyzdaı, Atyraý qalasynyń mańynda balyq qyrylǵan bolatyn.
Keıin balyqtyń qyrylý sebebi aıtyldy.
