Atyraýda balyqtar jappaı qyrylyp jatyr
ATYRAÝ. QazAqparat - Atyraý qalasynyń syrtyndaǵy Peretask shaǵyn ózeninde balyqtardyń jappaı qyrylý oqıǵasy boldy, dep habarlaıdy QazAqparat tilshisi.
«Búgin biz sýdyń jaǵasyna shyǵyp qalǵan balyqtardyń óleksesin kórdik. Kórshilerdiń aıtýyna qaraǵanda, balyq úshinshi kún qatarynan qyrylyp jatyr-mys»,- deıdi Alma Áýbekerova QazAqparat tilshisine. Ol bizge oqıǵanyń sýretti men vıdeosyn usyndy.
Jergilikti turǵandar tıisti organǵa tótenshe jaǵdaı týraly habar bergen.
«Oqıǵa ornynda bizdiń mamandar jumys jasap jatyr. Ekologııa departamentiniń qyzmetkerleri sý synamasyn aldy jáne biz birneshe balyq óleksesin zertteýge jiberemiz. Zertteý qorytyndysynan keıin jaǵdaı belgili bolady. Qazirgi kezde jergilikti organ jaǵdaıdy nazarda ustap otyr» - dedi Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasy tóreǵasynyń orynbasary Arman Moldashov.
