Atyraýda balyq tıelgen keme úsh aptadan beri muz qursaýynda tur

ATYRAÝ. QazAqparat – Atyraýda balyq tıelgen keme muz qursaýynda qalyp qoıdy. Keme kóktemge deıin turýy múmkin, dep habarlaıdy QazAqparat.

Keme kapıtany Ivan Pavlovtyń aıtýynsha, balyqshylar Kaspıı teńizinen balyq aýlap kele jatqan. Kemege 7 tonna balyq tıelgen. Jaıyq ózenine ótýge 6 shaqyrymdaı qalǵanda, sý kóligi taıaz jerge tirelip qalǵan. Onyń muz qursaýynda turǵanyna 3 apta bolǵan.

Teńiz jaqtan qatty jel soqsa, sý keletin edi. Biz sondaı sátti kúttik. Óıtkeni, taıaz jerden shyǵý múmkin emes. Kún kúrt salqyndap, kememiz muzdyń qursaýynda qaldy. Endi kún saıyn tańerteń muzdy oıyp júrmiz. Sebebi, muz qalyńdyǵy ártúrli – bir túnde 5 sm, keıde 3 sm bolady. Muz qalyńdap, kemeni qysatyn bolsa, korpýsyn jaryp jiberedi, -

deıdi Ivan Pavlov.

Qazir muz qursaýyndaǵy kemeni «Amangeldi» JShS-niń balyqshylary kúzetýge kiristi. Óıtkeni, kún jylynǵanǵa deıin kemeni muz ortasynan shyǵarý múmkin emes. Mamandar kemeniń muz qursaýynda qalýyn kanaldar túbiniń tereńdetilmeýimen baılanystyrady.

Jaıyq ózeninde tereńdetý jumysyna 7 mlrd, Qıǵash ózeni boıynsha 11 mlrd teńge qajet. Osy suranysty tıisti organdarǵa, mınıstrlikke joldadyq, -

deıdi oblystyq balyq sharýashylyǵy basqarmasynyń basshysy Artýr Sádibekuly.

Eske sala ketelik, budan buryn Atyraýdyń Reseımen shekaradaǵy aýdanynda kanaldar túbi qazylyp jatqanyn habarlaǵan bolatynbyz.

Foto: atr.kz