Atyraýda balyq salasyna keltirilgen shyǵyndar baǵalandy
ATYRAÝ. QazAqparat - Atyraýda balyq salasyna keltirilgen shyǵyndar baǵalandy, dep xabarlaıdy QazAqparat tilshisi.
«Jaıyq ózeninde muz qatpaı turyp 4 tonna 165 keli óli balyq jınaldy. Keltirilgen zalal esepteldi - 4 mıllıon 208 myń teńge. Peretask tarmaǵynan 1 tonna 304 keli balyq jınaldy. Zalal quny 1 mln 254 myń teńgeni quraıdy. Zalal boıynsha anyqtama qylmystyq is qozǵaý úshin ІІD-ge berildi», - dep xabarlady Atyraý oblystyq orman sharýashylyǵy jáne janýarlar álemi aımaqtyq ınspektsııasynyń basshysy Danııar Baımaǵambetov Balyqtardyń jappaı qyrylýyn tergeý boıynsha vedomstvoaralyq komıssııa otyrysynda.
Eske salaıyq, Atyraý oblysynda balyqtardyń jappaı qyrylýy jeltoqsannyń basynda bastaldy. Tórt kásiporyn tekserilip, eki qylmystyq is qozǵaldy.
A. Sokolov
