Atyraýda balyq aýlaý 2 esege jýyq artty

NUR-SULTAN-ATYRAÝ. QazAqparat - Atyraý oblysynda Jaıyq, Qıǵash ózderi men Kaspıı teńizinen balyq aýlaý kólemi 2 esege jýyq artty. Bul týraly búgin Ortalyq kommýnıkatsııalar qyzmetindegi baspasóz máslıhatynda Atyraý oblysynyń ákimi Nurlan Noǵaev aıtty, dep habarlaıdy QazAqparat tilshisi.

«Ózderińiz bilesizder, Úkimettiń qoldaýymen balyq sharýashylyǵyna basa kóńil aýdaryp kele jatyrmyz. Memleket basshysynyń tapsyrmasymen Jaıyq jáne Qıǵash ózenderiniń túbin tereńdetý sharalaryna qomaqty qarajat bólingen bolatyn. Atap aıtqanda, Jaıyq ózeniniń 62 shaqyrym, Qıǵash ózeniniń 154 shaqyrym túbin tereńdetý, balyq júretin arnalardy tazartý qolǵa alynǵan», - dedi oblys ákimi.

Onyń aıtýynsha, atalǵan jumystardyń nátıjesinde balyq aýlaýda ósim bar.

«Byltyr osy kezeńde, 9 aıdyń qorytyndysynda berilgen lımıt 10 700 tonna bolsa, bıylǵy lımıt 15 400 tonna boldy. Buǵan qosa, byltyr 9 aıdyń ishinde 4 myń tonna balyq aýlansa, bıyl 6,5 myń tonna balyq aýlandy. ıAǵnı, Jaıyqta da, Qıǵashta da, Kaspııde de balyq aýlaýda 1,5-2 esege jýyq ósim baıqalady», - dedi Nurlan Noǵaev.