Atyraýda balkondaǵy órtten eki áıel qutqaryldy

ATYRAÝ. QazAqparat – Atyraýda úı balkonyndaǵy órtten eki áıel qutqaryldy, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetinshe, órt 20 qazan saǵat 18:04 kezinde bolǵan.

«Atyraý qalasynyń irgesindegi Geolog kentinde 2 qabatty turǵyn úıdiń birinshi qabatyndaǵy balkony órtke oranǵan. Órtti sóndirýge departamenttiń 10 qyzmetkeri men 3 tehnıka jumyldyryldy. Balkonda kólik tegershikteri men aǵashtyń qaldyǵy órtengeni anyqtaldy. Órt sóndirýshiler turǵyn úıdiń 2-shi qabatynan 2 áıeldi qutqardy» dep habarlady departamenttiń baspasóz qyzmeti.

Qyzyl jalyn saǵat 18:22-de tolyqtaı sóndirilgen. Oqys oqıǵadan eshkim zardap shekken joq.