Atyraýda balalarynyń kózinshe áıelin uryp soqqan er adam eki kúnge qamaldy
Oblystyq polıtsııa departamenti jergilikti polıtsııa basqarmasynyń aǵa ınspektory Raısa Aıtjanovanyń aıtýynsha, turmystyq zań buzýshylyq kóbinese maskúnemdik pen jumyssyzdyqtan týyndaıdy. Odan japa shegetinderdiń deni – áıelder.
«Máselen, jaqynda 102 operatoryna 40 jastaǵy áıelden shaǵym tústi. Jábirelenýshi zańdy nekedegi kúıeýi – 1979 jyly týǵan azamattyń ishimdik iship, ózin uryp-soǵyp, 4 balasynyń kózinshe janjal shyǵarǵany týraly habarlady. Ýchaskelik polıtsııa ınspektorlary janjal shyǵarǵan azamatty ýchaskelik polıtsııaǵa jetkizdi. Urystyń shyǵý sebebin anyqtap, atalǵan azamatqa qatysty QR Ákimshilik quqyqbuzýshylyq týraly kodeksiniń 73-2 babymen (uryp-soǵý, tán aýrýyna ushyratqan, biraq densaýlyqqa jeńil zııan keltirýge ákep soqpaǵan uryp-soǵý nemese ózge de kúsh qoldaný áreketterin jasaý) ákimshilik hattama toltyryldy», - deıdi Raısa Aıtjanova.
Sot sheshimimen 42 jastaǵy azamat 2 kúnge ákimshilik qamaýǵa alyndy.
Eske sala ketelik, buǵan deıin Atyraýda áıelin uryp-soqqan er adam 7 kúnge qamalǵanyn jazǵan edik.