Atyraýda balalardy ońaltýǵa arnalǵan jańa medıtsınalyq ortalyq ashyldy

Tserebraldy sal aýrýymen aýyratyn balalardy ońaltýǵa arnalǵan «Juldyzaı» jańa medıtsınalyq ortalyǵynyń mamandary kún saıyn 36 balany emdeı alady.

Aýdany 200 sharshy metr bolatyn ortalyqtyń terapııalyq massaj, nevropotologtardyń qadaǵalaýymen fızıoterapııa, jattyǵý terapııasyn qosa alǵanda, qyzmetterdiń tolyq keshenin usynady. Sonymen qatar, logoped - defektolog, psıholog, massaj, fızıoterapııa, ergoterapevt jáne nevropatolog-reabılıtolog kabınetteri bar.

Saltanatty ashylý rásimine balalardyń ata-analary, qurmetti qonaqtar jáne memlekettik organdardyń ókilderi qatysty.

Atyraý oblysy ákiminiń birinshi orynbasary Serik Shapkenov qyzyl lentany kesip, jańa zamanaýı ortalyq óz jumysyn bastady.

«Tuńǵysh Prezıdent kúni qarsańynda biz qýanyshty jáne mańyzdy oqıǵany atap ótip otyrmyz. Ortalyqtyń ashylýyn kóptegen otbasylar asyǵa kútti. Memleket basshysy arnaıy qoldaý qajet adamdarǵa úlken kóńil bóledi jáne búgingi kúni «Rýhanı jańǵyrý» baǵdarlamasyna qatysýǵa nıet bildirgen adamdardyń sany birneshe esege artyp keledi jáne olar áleýmettik jobalarǵa qoldaý kórsete bastady. Aıta ketý kerek, bizdiń qalaǵa jańa medıtsınalyq ortalyqty syıǵa tartqan «BI Group» kompanııasynyń qaıyrymdylyq qyzmeti bıznes pen memlekettik sektor arasyndaǵy úshjaqty jemisti yntymaqtastyqtyń jarqyn mysaly bolyp tabylady. Ortalyq balalar men olardyń ata -analaryna erteńgi kúnge degen senim syılady»,- deıdi Atyraý oblysy ákiminiń birinshi orynbasary Serik Shapkenov.

Ortalyqta tirek-qımyl apparatynyń buzylýyn túzetýge múmkindik beretin zamanaýı trenajerlar men tehnıkalyq quraldardan basqa, balanyń damýyna kóp kóńil bólinedi dep aıtýǵa bolady. Árqaısysy úshin túzetý jáne ońaltýdy damytý úshin jeke baǵyt jasalady.

Osyǵan deıin Atyraýdaǵy Mahambet aýdanynda Elbasy kúnine oraı jańa kópir ashylǵandyǵyn jazdyq.