Atyraýda balalar jaýyngerlik jekpe-jek túrlerine úıretiledi
ATYRAÝ. QazAqparat - Búgin Atyraý qalasynda jańa «Mergen» sport klýby saltanatty jaǵdaıda ashyldy, dep habarlaıdy QazAqparat tilshisi.
Klýbtyń negizgi baǵyty - jaýyngerlik jekpe-jek túrleri boıynsha balalardy daıyndaý. Onda MMA, grepplıng, mýaı-taı jáne balalar gımnastıkasynan jattyǵýlar júretin bolady.
Klýbty bir top kásipkerler, sport janashyrlary óz qarajattaryna salǵan.
«Maqsatymyz paıda taýyp, ataǵymyzdy shyǵarý emes. Jastardyń salaýatty ómir saltyn ustanýyna jaǵdaı jasap, óskeleń urpaqtyń deni saý bolýyna qol ushymyzdy berý bolyp tabylady», - deıdi kásipker Medet Musauly.
Klýbqa kelýshilerdi elimizdiń abyroıyn asqaqtatyp júrgen tanymal sportshylar Abylaı Tólesh, Işan Galıev, sondaı-aq Reseıden arnaıy shaqyrtylǵan jekpe-jek sheberi Mýhammad Kýrbanovtar jattyqtyratyn bolady.
Aıta ketý kerek, ǵımarattyń qurylysyna Máskeýden arnaıy mamandar shaqyrtylǵan. Munda sportshylar kásipqoı deńgeıde esh qıyndyqsyz daıyndala alady.
