Atyraýda balalar kópqabatty úıdiń shatyrynda oınaǵan
ATYRAÝ. QazAqparat – Internette balalardyń Atyraýdaǵy kópqabatty úıdiń shatyrynda júrgeni týraly beınerolık jarııalandy, dep habarlaıdy QazAqparat.
Balalar Nursaıa shaǵynaýdanyndaǵy №14 úıdiń shatyryna ashyq qalǵan esik arqyly shyqqan. Shatyrdaǵy balalardy qarsy bette turǵan kópqabatty úıdiń turǵyndary vıdeoǵa túsirip, ınternetke júktegen.
«Atalǵan derekke baılanysty Atyraý qalalyq polıtsııa basqarmasynyń ýchaskelik polıtsııa ınspektorlary Nursaıa shaǵynaýdanyna qyzmet kórsetetin páter ıeleri kooperatıviniń basshylyǵyna eskertý jasady. PIK qyzmetkerleri №14 úıdiń shatyryna shyǵýǵa arnalǵan esikti dánekerlep, qulyp saldy. Qazir ýchaskelik polıtsııa ınspektorlary PIK basshylarymen birlesip kópqabatty úılerdiń shatyryn tekserip jatyr», - dep habarlady oblystyq polıtsııa departamentiniń baspasóz qyzmeti.
